ઈશા અંબાણીના લગ્ન: આવી રીતે મુકેશ અંબાણી સહિત નામી હસ્તીઓએ અલ્પેશ ઠાકોરને વધાવ્યા

પોતાની દિકરીના લગ્નમાં 200 કરોડ રૂપિયાનો ખર્ચ કરનારા મુકેશ અંબાણી એક માત્ર પિતા બન્યા છે. ઈશા અંબાણી-આનંદ પિરામલના રિસેપ્શનમાં અનેક નામી હસ્તીઓ આવી હતી. વડાપ્રધાન મોદીએ પણ હાજરી આપી હતી.

અમિતાભથી લઈ જોની લીવર સુધીના સિતારા જોવા મળ્યા હતા ત્યારે ગુજરાત કોંગ્રેસના ધારાસભ્ય અલ્પેશ ઠાકોર પણ કેમેરાની કીકીથી બચી શક્યા ન હતા.

મેરેજ રિસેપ્શનમાં અલ્પેશ ઠાકોરની અનેક નામી હસ્તીઓ સાથે મુલાકાત થઈ હતી. ખાસ કરીને રિલાયન્સના ચેરમેન મુકેશ અંબાણીએ તેમને સ્ટેજ પર આવકાર્યા હતા અને ત્યાર બાદ સાંસદ પરિમલ નાથવાણી, સની દેઓલ, જીતેન્દ્ર સાથેની અલ્પેશ ઠાકોરની તસ્વીરો સોશિયલ મીડિયામાં ખાસ્સી ફરતી થઈ હતી.

ઈશા અંબાણી-આનંદ પિરામલના લગ્ન રંગે-ચંગે ઉજવાયા. તો ગુજરાત કોંગ્રેસના રાધનપુરના ધારાસભ્ય અલ્પેશ ઠાકોર પણ રિસેપ્શનમાં જોવા મળ્યા હતા. અલ્પેશ ઠાકોર અને સની દેઓલ જોગાનુજોગ સાથે આવી પહોંચ્યા હતા. અલ્પેશ ઠાકોર સની દેઓલને આવકાર આપતા જણાય છે અને ગેટની અંદર જવાનો ઈશારો કરે છે.

ઈશા અંબાણી-આનંદ પિરામલના લગ્નના વીડિયો ફૂટેજમાં અલ્પેશ ઠાકોરની રિસેપ્શનમાં જોવા મળી રહ્યા છે. અલ્પેશ ઠાકોરની સાથે મુકેશ અંબાણના પુત્ર અનંત અબાણી અને આકાશ અંબાણી પણ જોવા મળી રહ્યા છે.

હાલમાં જ અલ્પેશ ઠાકોરે રાધનપુરની કાયાપલટ કરવા માટે બ્રિટીશ ડેપ્યુટી હાઈકમિશનર સાથે રાધનપુરની મુલાકાત લીધી હતી અને વિવિધ યોજના શરૂ કરવાની વિચારણા કરી હતી. અલ્પેશ ઠાકોરને રાહુલ ગાંધીના નજદીકી નેતાઓમાં માનવામાં આવે છે. ગુજરાતના રાજકારણમાં કાયાપલટ કરનારા યુવા નેતા તરીકે હાર્દિક પટેલ, જિજ્ઞેશ મેવાણી અને અલ્પેશ ઠાકોરની ભૂમિકા મહત્વની રહેલી છે.